Bu modulda tilning poydevori o’rganildi: o’zgaruvchilar, ma’lumot turlari, tur o’zgarishlari va operatorlar.

Qiymatlar va o’zgaruvchilar

O’zgaruvchi — qiymatga qo’yilgan nom. E’lon qilish:

let ism = "Aziza";
let yosh = 21;
console.log(ism, yosh);

Natija: Aziza 21

Sintaksis qoidalari

• Nomlar camelCaseda: foydalanuvchiIsmi (birinchi so’z kichik, keyingilari bosh harf bilan).
• Nom raqamdan boshlanmaydi, faqat harf, _ va $ ishlatiladi.
• Qator oxirida ; — majburiy emas, lekin yozish odati chalkashliklardan saqlaydi.
• Izoh: // bir qatorli va /* ko’p qatorli */.

let, const va var

Odat: hammasini const bilan boshlang; qiymat haqiqatan o’zgarishi kerak bo’lsagina letga o’ting. var — tilning eski davri merosi.

Tipik xato. constga qayta qiymat berish: TypeError: Assignment to constant variable. — bu xatoni ko’rsangiz, o’zgaruvchini let bilan e’lon qilish kerakmi yoki mantiq xatomi, o’ylab ko’ring.

Ma’lumot turlari

Asosiy sodda turlar:

Turni typeof bilan tekshirish mumkin:

console.log(typeof 42);
console.log(typeof "salom");

Natija: number va string

Tur o’zgartirish va coercion

O’zingiz o’zgartirsangiz — conversion: Number("5"), String(42), Boolean(1). Til o’zi "sezdirmay" o’zgartirsa — coercion:

console.log("5" + 3);
console.log("5" - 3);

Natija: 53 va 2

+ operatori string ko’rsa ulashga o’tadi ("5" + 3 → "53"), - esa faqat son bilan ishlaydi, shuning uchun "5"ni songa aylantiradi. Bu — JS’dagi eng mashhur "tuzoq"lardan biri.

Operatorlar

Arifmetika: + - * / % (qoldiq) va ** (daraja). Taqqoslash: > < >= <=, tenglik esa ikki xil:

console.log(5 == "5");
console.log(5 === "5");

Natija: true va false

== faqat qiymatni solishtiradi (coercion bilan), === esa qiymat va turni. Qoida qat’iy: har doim === ishlating — == kutilmagan natijalar manbai.

Mantiqiy operatorlar

&& (va), || (yoki), ! (emas):

const yosh = 20;
const pasportBor = true;
console.log(yosh >= 18 && pasportBor);

Natija: true

&& — ikkala shart ham bajarilsa, || — kamida bittasi bajarilsa true.

Operatorlar ustuvorligi

2 + 3 * 4 = 14: ko’paytirish avval. Taqqoslash arifmetikadan keyin, mantiqiy operatorlar undan ham keyin bajariladi. Shubhali joyda qavs qo’ying — qavs har doim g’olib va kodni o’qigan odamga ham tushunarli.

Amaliyot

1. O’zingiz haqingizda uch o’zgaruvchi e’lon qiling (const ism, let yosh, const talabami) va konsolga chiqaring.
2. typeof bilan beshala sodda turni tekshirib chiqing.
3. "5" + 3, "5" - 3, "5" * "2" natijalarini avval qog’ozda taxmin qiling, keyin konsolda tekshiring.
4. == va === bilan 0 == false, "" == false kabi juftliklarni solishtiring — farqni his qiling.
5. Yosh va rozilikdan iborat ikkita shartni && va || bilan birlashtirib sinang.

Modul testini ishlang — keyingi modulda dastur "qaror qabul qilishni" o’rganadi.